AzQAC Sumqayıt şəhər bölməsinin FMKD-nin üzvləri tərəfindən Gənclər evində "İlk Yardım" postu qurulub

Fövqəladə Mobil Könüllü Dəstələrin (FMKD) müntəzəm fəaliyyətlərinin bir hissəsi olaraq, FMKD üzvləri icmalarda və məktəblərdə Mobil İlk Yardım Postları təşkil edirlər. İlk Yardım Postları Azərbaycan Qızıl Aypara Cəmiyyətinin rayon bölmələri tərəfindən ən azı ayda bir dəfə ictimaiyyətin toplaşdığı yerlərdə təşkil edilir. Bu tədbirin əsas məqsədi FMKD könüllülərini ictimaiyyətə təqdim etmək və AzQAC-nin bölmələri tərəfindən təqdim olunan İlk Yardım xidmətlərinin mövcudluğunu nümayiş etdirməkdir. Tədbir zamanı könüllülər iştirakçılara ilk yardımın əsasları, huşsuz nəfəs alan, bərpa vəziyyəti, tənəffüs yollarının tutulması, qanaxma, sınıqlar, zəhərlənmələr və yanıqlar mövzuları ətrafında geniş məlumat verib və praktiki məşğələlər nümayiş etdiblər. AzQAC-ın Sumqayıt şəhər bölməsinin FMKD üzvləri tərəfindən Gənclər evində könüllülərə İlk Yardım vərdişləri haqqında məlumat verilib. Belə müntəzəm tədbirlərin təşkili həm də FMKD könüllülərinə İlk Yardım texnikalarını tez-tez tətbiq etmək və biliklərini möhkəmləndirmək üçün daha çox şans verir.